डोईवर हारा
डोईवर हारा, आरोळी करा.
जाती गल्ली बोळातून,
घे ग हौसा, तारुबाई दिवसा,
काहीतरी घ्या की हो…….
पार्वतीच्या कपाळाला चंद्रकोर शोभेल,
छबूच्या धार्या केसात गंगावण साजेल.
डोईवर हारा…..
दंतमंजन टॉपच हाय,
हिरड्यांची होईल कमाल बाय.
ऊसाच कांड, कणसाचं दान,
काडकाड फोडील म्हातारं वटाणं फुटाणं
घ्या हो घ्या दंतमंजन घ्या,
निरोगी दात मिळवा की हो.
डोईवर हारा…..,…
डोईवर हारा ……….
काळ्यामनी शोभेल मंगळ सरी,
बाळाच्या हाती , मनगटी भारी.
डोळ्यात काजळ केसातील चाप,
काय काय विकू ग बाय……
डोईवर हारा ……. ..
…… …… ……..
कवी : निशिकांत हारुगले
.
